Hong Kongu është qyteti më i shtrenjtë në botë për profesionistët e huaj, sipas Mercer’s Cost of Living Survey 2022, i cili u bazua në një krahasim të 200 produkteve dhe mallrave në mbi 400 qytete në mbarë botën.
Një frymë pas metropolit aziatik është Zvicra me katër qytete: Zyrih, Gjenevë, Bazel dhe Bernë. Qytetet aziatike të Singaporit, Tokios dhe Pekinit ishin në tre vendet e fundit të Top 10.
Në anën tjetër të medaljes janë Ankaraja në Turqi në vendin e fundit (e 227-ta), Bishkek në Kirgistan dhe Dushanbe në Taxhikistan. Athina u rendit e 126-ta.
Tel Avivi është në vendin e 6-të, ndërsa New York-u në vendin e 7-të. Londra u rendit e 15-ta, ndërsa gjithsej katër qytete kineze zunë vend në 20-shen e parë.
Sipas sondazhit, koronavirusi, lufta në Ukrainë dhe luhatjet e monedhës si dhe inflacioni kanë ndikuar ndjeshëm në të ardhurat dhe kostot e jetesës së punëtorëve, ndërsa numri i punëtorëve të huaj që lëvizin në Azi në 18 muajt e fundit ka rënë ndjeshëm.
Tracey Ma, një ekzekutive në Mercer, vuri në dukje se mungesa e talentit në ekonomitë e zhvilluara që mbështeten kryesisht te punëtorët e huaj mund të ndikohet nga kostoja e lartë e jetesës.
Ma theksoi gjithashtu se realiteti i ri i punës fleksibël dhe telekomunikimit do të thotë që kompanitë do të duhet të rimendojnë qasjen e tyre të punës në mënyrë që të tërheqin talente dhe punëtorë të rinj.
Lista me 200 mallra dhe produkte përfshinte artikuj të tillë si kostoja e akomodimit, udhëtimit, veshjeve dhe ushqimit si dhe argëtimi.
Lista:
Hong Kong
Zyrih, Zvicër
Gjenevë, Zvicër
Bazel, Zvicër
Bernë, Zvicër
Tel Aviv, Izrael
New York, SHBA
Singapor
Tokio, Japoni
Pekin, Kinë
Kopenhagë, Danimarkë
Shanghai, Kinë
Shenzhen, Kinë
Seul, Koreja e Jugut
Londër, Mbretëria e Bashkuar
Nassau, Bahamas
Los Anxhelos, SHBA
Guangzhou, Kinë
San Francisko, SHBA
Honolulu, SHBA
Vjenë, Austri
Qingdao, Kinë
Bangui, Republika e Afrikës Qendrore
Libreville, Gabon
Amsterdam, Holandë
Nanjing, Kinë
Oslo, Norvegji
Taipei, Tajvan
Uashington DC, SHBA
Boston, SHBA
Dubai, Emiratet e Bashkuara Arabe
Miami, SHBA
Mynih, Gjermani
Busan, Koreja e Jugut
Paris, Francë
Çikago, SHBA
Osaka, Japoni
Victoria, Seychelles
Bruksel, Belgjikë
Shenyang, Kinë
Xhibuti
Atlanta, SHBA
Helsinki, Finlandë
Chengdu, Kinë
Seattle, SHBA
Berlin, Gjermani
Hagë, Holandë
Milano, Itali
Dublin, Irlandë
Yokohama, Japoni
