Për studentët është e vështirë të kenë një jetë të shëndetshme si pasojë e provimeve, datave të dorëzimeve, jetës shoqërore dhe ushqimit konviktor. Megjithatë mund të merren disa masa duke bërë përpjekje të vogla për një jetë më të shëndetshme:
Kujdes nga “ngrënia emocionale”!
Duhet të përcaktojmë që në fillim të vitit akademik objektivat për të ndjekur një regjim të caktuar, duke evituar ngrëniet për shkak të stresit të studimeve apo provimeve. Evitoni ushqimet e shpejta apo patatinat dhe çokollatat. Nëse vërtet mendoni se keni nevojë të konsumoni diçka, atëherë “nxirrini nervat” tek një karrotë e qeruar, një pafkë çokollate të zezë të hidhur apo fruta.
Regjim i shëndetshëm
Sigurohuni të balanconi numrin e kalorive si dhe sasinë e përbërsve ushqimorë duke eleminuar sa më shumë karbohidratet dhe shtuar vitaminat dhe proteinat. Mos harroni zarzavatet e gjelbërta!
Krijoni një program sportiv të personalizuar
Nëse nuk keni kohë për mengjes vrapi apo palestër, atëherë gjeni mënyrat tuaja për të bërë ushtrime fizike. Vendosjani detyrë vetes që të ecni nga kampusi apo konvikti deri tek fakulteti, por nëse jeni me vonesë atëherë bëni ushtrime në dhomë, por kurrë mos hiqni dorë nga aktiviteti sportiv. /tesheshi.com/
