U konsiderua çështje e mbyllur grindja e 2 lojtarëve të PSG, Nejmar e Kavani, por mediat kanë tentuar “ta rihapin” çështjen.
Në Francë gazetat kanë nxituar të shkruajnë se Nejmar nuk do të jetë i grumbulluar për ndeshjen e rradhës ndaj Monpelje, e se ky ka qenë vendim i trajnerit Emerih.
Diçka e tillë ka prodhuar interes në opinionin sportdashës, pasi një ditë më parë u raportua se braziliani i kishte kërkuar falje Kavanit, si edhe shokëve të skuadrës, për sjelljen e tij në fushë ndaj uruguajanit. Por me sa duket, të kërkosh falje nuk është gjithmonë e mjaftueshme.
Gjithsesi, vetë klubi parizien ka nxjerrë një njoftim ku thuhet se mosgrumbullimi i Nejmar është bërë për shkak të një shqetësimi që ai ka patur në këmbë. Megjithatë, me sa duket në Francë, pakkush “e ha këtë kokorr ulliri”, sepse u pëlqen të ketë “luftë gjelash” tek PSG. /tesheshi.com/
