Vendimin e KQZ-së që në komisionet zgjedhore në Komunën e Leposaviqit të ketë edhe komisionerë të partisë së Aleksanar Jabllanoviq, Partia e Serbëve të Kosovës (PKS), e ka kundërshtuar ashpër Lista “Srpska” që ka mbështetjen absolutet të qeverisë së Serbisë, me arsyetimin se nuk është subjekt politik parlamentar.
Sipas “Srpska”-s, KQZ-ja ka bërë keqpërdorim politik, ndërsa ka siguruar “se tani është e qartë se PKS-ja ka mbështetjen e hapur politike të institucioneve të Prishtinës.
“As ata, e as populli serb në Kosovë e Metohi nuk pranon këso lloj mashtrime dhe ndërskamsa të Aleksandar Jabllanoviqit dhe të instruktorëve të tij politik në Prishtinë”, thuhet në reagim.
Për këtë arsye “Srpska” ka ftuar KQZ që t’i zbatojë vendimet e Komisionit Komunal Zgjedhor në Leposaviq, në të kundërtën, porosisin se reagimi i popullit serb siç thonë në veri të Kosovës e Metohisë do të jetë i fuqishëm dhe i vendosur.
Ndryshe, Lista Serbe e cila është i vetmi subjekt politik që mbështetet nga Beogradi, ka ftuar serbët e Kosovës që të votojnë vetëm për partinë e tyre, ndërsa subjektet tjera politike serbe i kanë quajtur inekzistente për serbët e Kosovës.
Në tubimin e hapjes së fushatës në Leposaviq, në mesin e njerëzve të “Srpska”-s është parë edhe Dejan Vulloviq, i cili është bosi i kontrabandës në veri të Kosovës.
Kujtojmë se kryetari i “Srpska”-s, Sllavko Simiq, ka thënë se partia e tij është “ushtri serbe në Kosovë, e cila ka për komandant Aleksandër Vuçiçin”. /tesheshi.com/
