Koreja e Veriut ka testuar së fundmi një raketë balistike e cila fluturoi për afro 1.000 kilometra përpara se të binte në ujërat e Japonisë. Ngjarja e paprecedentë ka shkaktuar reagim të menjëhershëm, teksa Kryeministri i Japonisë, Shinzo Abe, e cilësoi aktin një veprim të papërgjegjshëm, të pafalshëm dhe një shkelje të hapur të rezolutave që janë miratuar nga Këshilli i Sigurimit në Organizatën e Kombeve të Bashkuara.
Në bazë të raportit zyrtar, raketa balistike ka goditur zonën ekonomike ekskluzive. Në bazë të Konventës së OKB-së për të drejtën e Detit, kjo zonë përfshinë një shtrirje prej 200 miljesh detare nga bregu.
Çdo shtet që e ka firmosur dhe e ka ratifikuar këtë konventë ka të drejtë që ta shfrytëzojë hapësirën ujore për përfitime ekonomike.
Koreja e Veriut ka kryer edhe më herët testime të raketave balistike pavarësisht presionit të ndërkombëtarëve, por kjo është hera e parë që cenohet që godet një hapësirë ujore mbi të cilën një shtet ka tagre të caktuara.
