Pas kallëzimit të bërë nga Këshilli i Lartë i Drejtësisë, Prokuroria e Përgjithshme ka nisur procedimin penal ndaj ministrit të Brendshëm Saimir Tahiri.
Ai akuzohet për kërcënime dhe shantazh ndaj gjyqtarit Arjan Aliaj dhe trupës gjykuese në përgjithësi. Kallëzimi është regjistruar dhe organi i akuzës po vijon me procedurat përkatëse.
KLD-ja i cilësoi sulmet e Saimir Tahirit ndaj gjyqtarit Arjan Aliaj si “të papranueshme, fyese dhe kërcënuese”. Gjatë diskutimeve në mbledhje të posaçme, anëtarët e Këshillit kanë dënuar ashpër intimidimin që po i bëhet gjyqtarit në veçanti, por dhe trupës gjyqësore në tërësi.
Në përfundim, Këshilli vendosi të bëjë kallëzim penal pranë Prokurorit të Përgjithshëm, ndaj ministrit të Punëve të Brendshëm. /tesheshi.com/
