Kosova e sheh Kroacinë si një aleat kundër Serbisë. Duke përfituar nga pro-shqptarizmi i politikës së Zagrebit, faktit që me këtë vend kurrë nuk ka patur përplasje, Prishtina po e sheh ish-vendin me të cilin dikur ndoheshin nën Jugosllavinë e Titos, si krahun e saj të djathtë përballë kërcënimit serb; duke përfituar dhe nga fakti se Kroacia mbetet historikisht një “kockë e fortë” për politikën ekspansioniste të Beogradit.
Kështu, është kreu i diplomacisë kosovare, Enver Hoxhaj, i cili e ka shpalosur këtë vizion gjatë një intervistëe për kroaten Jutarni List:
“Kroacia është një partner i rëndësishëm politik i Kosovës dhe ne duam ta shndërrojmë atë në një partner të fuqishëm ekonomik. Është partner politik, meqë ajo e mbështet integrimin e Kosovës në sistemin ndërkombëtar, si dhe rrugën e saj drejt anëtarësimit në BE dhe NATO. Ne ndajmë edhe interesa të caktuara në politikën tonë rajonale, duke qenë aleat me njëri-tjetrin dhe duke pamundësuar rikthimin e skemave të vjetra të dominimit serb të rajonit. Për këtë kemi një koordinim intensiv me Zagrebin – sa i takon politikës rajonale. Por, tash duam një vëmendje t’ia kushtojmë bashkëpunimit ekonomik. Kosova është vendi ideal për investitorët kroatë, për të investuar në Kosovë, për shkak të simpatisë që kanë qytetarët e Kosovës për Kroacinë e një miqësie tradicionale në mes të dy shteteve”, ka thënë Hoxhaj.
Dhe është e vërtetë që pas Shqipërisë, i vetmi aleat i Kosovës në rajon mbetet Kroacia. /tesheshi.com/
