Kryeministri Edi Rama gjatë ditës së sotme kritikoi ish-aleatin e tij në qeverisje, Lëvizjen Socialiste për Integrim, sa i përket punonjësve në administratë
Ai tha se kanë gjetur edhe këngëtarë që punonin në Agjencinë Kombëtare të Burimeve Natyrore, duke thënë se kjo kohë do të iki.
Pas kësaj deklarate të Ramës ka reaguar edhe Klajdi Musabelli, i cili është një nga të punësuarit e LSI në administratë.
“Unë këngëtar, gazetar dhe aktor dublant jam i nderuar koleg piktor. Por më mirë këngëtar dhe me dinjitet, sesa të lëpi mendere në këtë kohë bandash, droge dhe neokomunizmi që po instalon ti. Vdekja Fashizmit Liri Popullit, i nderuar”, shkruan Musabelliu në rrjetet sociale.
Aty, ai ka postuar edhe një foto të tij me kryeministrin Rama në moshë më të re, dhe diplomën që tregon se është diplomuar për Shkenca Komunikimi. /tesheshi.com/
