Mario Improta, një karikaturist i diskutueshëm italian, u akuzua të hënën se ofendoi viktimat e Holokaustit duke e krahasuar Bashkimin Evropian me kampin nazist të përqëndrimit Aushvic.
Improta postoi në Twitter një karikaturë të quajtur “Brexit”, ku paraqitej Kryeministri britanik Boris Johnson në pizhama me shirita duke vrapuar nëpër një derë dhe duke tundur një flamur të Mbretërisë së Bashkuar.
Dera të kujton hyrjen në Aushvic, por nuk thotë “Arbeit macht frei” por “Bashkimi Evropian”.
Qendra përkujtimore e Aushvicit u përgjigj dy ditë më vonë.
“‘Arbeit macht frei’ ishte një iluzion cinik i SS për të burgosurit e Aushvicit. Këto fjalë janë bërë një nga simbolet e urrejtjes njerëzore. Është e dhimbshme dhe e dëmshme të kujtosh Aushvicin dhe viktimat duke i keqpërdorur me turp”, u përgjigj Qendra Memoriale në Tëitter.
“Me të vërtetë?”, u përgjigj Improta.
“Kjo lloj gjëje dhemb. Nuk është thjesht mosrespektim i kujtesës së viktimave. Mendoni për dhimbjen që u shkakton të mbijetuarve që kanë qenë të detyruar të ecin nëpër atë derë. Askush nuk duhet të abuzojë me një simbol për të fituar publicitet. Është e turpshme!”, përsëriti Qendra Memoriale.
Karikaturisti u përgjigj se ishte një “karikaturë satirike”.
Në përgjigje të kritikave, Improta lëshoi të dielën një version të ri të karikaturës, duke paraqitur BE si një tualet.
Të hënën, ai tha se ishte duke ndërprerë bashkëpunimin me bashkinë e Romës për të “shmangur krijimin e sherri shtesë”.
Improta u punësua nga bashkia e kryeqytetit italianpër të popullarizuar rregullat e reja të sjelljes publike të Romës. /tesheshi.com/
