Pas lajmit për kapjen e katër personave të identifikuar si pjesëtarë të grupit të grabitësve të 3.2 milion dollarëve, ngjarje e ndodhur në Qafë Kashar –Rinas pak ditë më parë, shumëkush ka ngritur pyetjen se si është bërë e mundur; kjo dhe për faktin se deri më tani policia kishte dështuar të kapte autorë ngjarjesh të bujshme, sidomos grabitës të parave të bankave, diçka e kthyer në rutinë.
Një media shqiptare ofronte skemën e zbulimit nëpërmjet hetimeve ndaj një prej policëve të shoqërisë së sigurisë, që më pas kishte rrëfyer gjithçka para hetuesve, pasi kishte luajtur rolin e informatorit; por ka dhe një version tjetër dhe ai është roli amerikan, ndihma nga përtej Adriatikut ardhur për autoritetet shqiptare, duke iu ofruar atyre pajmet satelitore, ato pra që të tregojnë gjithçka, siç thotë populli, “në pëllëmbë të dorës”.
Ditë më parë, tesheshi.com publikoi pikëkisht këtë fakt, posedimin pra të pamjeve nga qielli për gjithë atë çfarë kishte ndodhur në fushë. Dhe kur ke në dorë ato, nuk vlejnë më as kamerat e fikura, as makinat e djegura, as mungesën e gjurmëve e të ngjashme. Sigurisht që policia shqiptare nuk ka se si t’i sigurojë ato pamje aq lehtë dhe për çdo rast.
Por janë partnerët e huaj ata, specifikisht europianë, që e kanë bërë të mundur këtë gjë. Me ta, policia shqiptare qëndron online në kuadër të operacioneve për të kapur baronët e drogës.
Dy ditë pas grabitjes, në Drejtorinë e Policisë së Tiranës, Saimir Tahiri ka zhilluar një takim me kreun e Policisë së Shtetit, Haki Çako, si dhe atë të Policisës së Tiranës, Ervin Hodaj, si dhe me disa shefa të lartë të uniformave blu.
Në media u hap lajmi se Tahiri iu është hakërryer atyre, diçka normale për të tilla raste. Nga ana tjetër, burime të sigurta bëjnë të ditur se atë natë u është kërkuar partnerëve që të sillnin pamjet satelitore nga të gjitha koordinatat gjeografike ku policia kishte të dhëna për grabitjen.
Dhe menjëherë një vend i rëndësishëm europian ka ofruar mbulimin online të territorit duke ofruar pamje live të cilat janë regjistruar frame për frame (njësia matëse e filmit që është shumë e vogël se sekondi).
Kanë qenë këto pra çelësi i suksesit në kapjen e bandësve të grabitësve.
Pas kësaj është kapur i pari i dyshuar, i cili sipas filmimeve ka djegur pranë banesës një nga arkat e parave.
Kjo ka qenë indicja e parë dhe më pas nga përgjimi i telefonatave është bërë edhe mbulimi satelitor i pamjeve të të tjerëve.
Të shtunën, policia, për të fshehur gjurmët se ka identifikuar grupin, ka arrestuar vetëm Ardian Xhylihun, policin e kompanisë që kanë qenë në rolin e vëzhguesit dhe informuesit, i cili realisht nuk ka thënë asnjë fjalë, pavarësisht se në media është thënë se ai ka “rrëfyer madje është i penduar”.
Ky lajm ka çorientuar të tjerët të cilët “kanë dalë nga strofulla” dhe më pas janë filmuar lëvizjet.
Më pas ka qenë më e lehtë arrestimi.
Vetëm pesë ditë pas grabitjes së 3.2 milionë dollarëve në rrugën e Rinasit policia e shtetit nisi operacionin e madh që është zhvillohuar nga ajri dhe nga toka.
Krahas policisë së Tiranës në operacion janë përfshirë edhe forcat RENEA dhe Forcat e Ndërhyrjes së Shpejtë. Në grabitje kanë marrë pjesë 6 persona, të cilët pasi grabitën paratë dogjën dy makina dhe u larguan me mjete të tjera. Grabitësit e 3.2 milionë eurove përdoren një makinë tip “Volksëagen Golf” për t’u larguar nga vendi ku dogjën dy fuoristradat. Edhe makina tip “Golf” është filmuar nga sateliti dhe ka qenë një nga provat e rëndësishme.
Nga vëzhgimi i filmimeve është parë që makina ka ndjekur autostradën deri në Vorë. Grabitësit si fillim kanë hyrë në Vorë dhe më pas janë fshehur diku, janë ulur në një lokal fshati për të pirë një kafe, natyrisht me rroba civile, dhe pas një ore, duke e ecur në rrugë rurale kanë marrë rrugën për në Fushë – Krujë. Ata janë paraqitur si tregtarë që donin të shisnin makina shtrydhëse ulliri dhe kanë ecur fshat më fshat.
Kjo pjesë nuk është e filmuar, por që fshatarët ia kanë rrëfyer punonjësit të policisë së zonës pas dyshimeve paraprake, tre ditë më vonë. /tesheshi.com/
