Kapiteni i kombëtares shqiptare, Lorik Cana ka filluar aventurën e re tek skuadra franceze, Nantes. Aty gjeti futbollistin e tjetër të kombëtares shqiptare Ermir Lenjani me të cilin u paraqitën së bashku në stërvitjen e parë pas ndeshjeve kualifikuese që i zhvilluan ndaj Danimarkës dhe Portugalisë.
Lorik Cana prezantohet tek Nantes, pasi ishte transferuar një javë më parë. Mbrojtësi shqiptarë ka pozuar me fanelën e skuadrës së re, ndërsa ka marrë pjesë në seancën e parë stërvitore. Cana ka nënshkruar për dy vjet me skuadrën franceze, ndërsa vjen nga një aventurë katërvjeçare të kaluar tek italianët e Lazios. /tesheshi.com/
