Një turist është arrestuar nën dyshimin për terrorizëm pasi bëri një selfie në Bringhton, Angli.
NasserAl-Ansari, 38 vjeç, tha se po filmonte veten me telefonin e tij celular jashtë një qendre tregtare n ëBrighton në Mbretërinë e Bashkuar në momentin që ndodhi incidenti, raportojnë mediat.
Al-Ansari, nga Kuvajti tha se u dërgua te një parking nga një oficer policie dhe u mbajt për rreth tre orësi i dyshuar për terrorizëm.
“U thashë se jam i gatshëm të bashkëpunoj 100 për qind. Do të shkoj ku të doni ju. Dua vetëm të shkon në shtëpi,” shpjegoi ai.
Ai tha se policia mbajti telefonin e tij celular që ta shqyrtonte atë.
Kryeinspektori Paul Betts, nga Bringhton konfirmoi për DailyMail se z. Al-Ansariështë arrestuar si i dyshuar për veprën penale të terrorizmit, por pas “një vlerësimi që u bë, u pa se nuk përbënte rrezik” dhe u lirua.
“Megjithatë, nuk ishte e mundur që të shqyrtohej telefoni i tij, për këtë arsye hetimi akoma vazhdon në mënyrë që të përcaktohet nëse përmban prova për ndonjë vepër penale. Kjo do të mbarojë sa më shpejt të jetë e mundur dhe telefoni do t’i kthehet të zotit në qoftë se nuk ka ndonjë arsye për ta mbajtur më tej.”
Pas sulmeve në Tunizi javën e kaluar, autoritete angleze kanë rritur nivelin e sigurisë për ndonjë akt terrorist të mundshëm. Policia ka rritur praninë e saj në disa evenimente dhe vende.
38 vetë u vranë në një masakër në Tunizi javën e kaluar, përfshirë 30 britanikë.
