Ndërron jetë legjenda e futbollit botëror, Johan Krujf(Cruyff) pas një beteje të gjatë me kancerin.
Siç bëri të ditur faqja e internetit World of Cruyff, Krujf ndërroi jetë në mëngjesin e ditës së sotme, pas një agonie të gjatë.
Vetëm muajin e fundit, ish-ylli i Ajaksit, Barcelonës dhe kombëtaren holandeze, i njohur për të famshmin “futboll total”, dha një deklaratë me humor kur theksoi se ndeshja ishte 2 me 0 në favor të kancerit të mushkrisë.
Krujf ka qenë një duhanpirës i regjur deri në vitin 1991, kur kreu një operacion në zemër. Tumori u bë publik vetëm vitin e shkuar.
Johan Krujf ka udhëhequr Ajaksin për të fituar Kupat Europiane nga viti 1971 deri në 1973 dhe ka qekë lideri i Holandës së futbollit total në botërorët e 1974-1978.
Ai mbahet mend si një nga trajnerët më të famshëm të Barcelonës dhe në vitin 1992 fitoi Ligën e Kampionëve dhe dy herë La Liga-n.
/tesheshi.com/
