Kancelares gjermane, Angela Merkel i ka rënë të fikët e është rrëzuar nga karrikja ndërsa ndodhej në një festival ku vihej në skenë pjesa “Tristani dhe Izota”. Bildt online e ka dhënë lajmin, duke shtuar se janë dashur dy minuta që kancelarja të përmendej.
Por, ka reaguar menjëherë zëdhënësi i Merkel i cili ka përgënjeshtruar duke thënë se bëhej fjalë vetëm për një karrike të thyer dhe jo për dobësi shëndetësore të Merkel. Pas incidentit, tha ai, Merkel ka qëndruar deri në fund të pjesës.
Tabloidi gjerman e ka titulluar shkrimin “Shock në Baireuth”, ku tregon incidentin. Madje, ka shkuar deri aty sa të listojë episode të ngjashme kur kancelares i ka rënë të fikët, si në ditën e parë të kongresit të CDU-së në Kolonia apo kur është ndjerë keq gjatë një interviste me ZDF-në.
Gjithsesi, zëdhënësi përcjell fjalët e Merkel:” Nuk bëhet fjalë për një të fikët, ishte vetëm një karrike e thyer”. Kancelarja ka qenë në formë dhe e ka pëlqyer madje pjesën e Vagnerit. /tesheshi/
