Senati Kanadez ka miratuar një ligj themelor që legalizon përdorimin e kanabisit në të gjithë vendin, për arsye mjekësore.
Ligji kaloi në votim të martën në Senat duke marrë 52 vota pro dhe 29 kundër. Kanadezët, sipas këtij ligji, do të jenë në gjendje të blejnë dhe ta konsumojnë këtë bimë si ilaç ligjërisht në fillim të tetorit.
Kanadaja bëhet shteti i parë i G7-ës që legalizon përdorimin kanabisit për qëllime mjekësore, një premtim parazgjedhor i kryeministrit liberal Justin Trudeau.
Kur paraqitën ligjin, katër ministra federalë theksuan qëllimet e legalizimit. E para është zvogëlimi i fitimit nga shitja prej krimit të organizuar, ndërsa gjithashtu kufizohet përdorimi i saj nga të miturit për shkak të dënimeve të ashpra.
Posedimi i kanabisit në Kanada u penalizua në vitin 1923, por në vitin 2001 nisi kthesa e madhe.
Sipas dispozitave të reja, kanadezët e rritur do të jenë në gjendje të posedojnë deri në 30 gram kanabis të thatë ose të freskët, të cilat mund të marrin nga tregtarët e licencuar dhe ligji u lejon atyre të rrisin vetëm deri në katër fidane të kësaj bime. /tesheshi.com/
