Kreu i ri i Rendit, Fatmir Xhaja, e ka nisur detyrën duke u përbetuar për luftë pa kompromis ndaj kanabisit. Në një takim më krerët e policisë, ku i pranishëm ishte dhe kryeministri Rama, Xhafaj tha se do të mbahet përgjegjësi për çdo rrënjë kanabisi të mbjellë. “Asnjë kompromis nuk do të ketë në luftën ndaj kanabisit”, tha ministri i ri i Rendit, duke paralajmëruar vartësit e tij për ndëshkime të rrepta.
Gjuha e ashpër e tij në këtë pikë, mund të përkthehej dhe si një kërcënim i tipit “provojeni po jua mbajti!”
Edhe Rama para tij foli për strategjinë e re të luftës kundër kanabisit, ku tha se në vjeshtë do mund të shihen rezultate konkrete, ku sipas tij do ketë përgjigje pozitive nga Brukseli në lidhje me hapjen e negociatave.
Kjo lloj qasjeje ndaj fenomenit e zhvendos luftën ndaj drogës nga domosdoshmëri ndaj një të keqeje shoqërore, në kusht për të marrë benefice nga ndërkombëtarët.
Kujtojmë se për të njëjtin motiv bazë u ndërhy dhe në Lazarat. Nënshkrimi i MSA-së çoi Ramën drejt aksionit të madh në fshatin problematik të kultivimit të drogës, ndërkohë që mbronte tezën se “po nuk iu dha një alternativë atyre njerëzve, nuk mund t’u heqësh atë më të cilën meren kaq e kaq vjet”. Droga u hoq dhe alternativë nuk pati. /tesheshi.com/
