Përfundon në “paqe” dueli ndërmjet Partizanit dhe Laçit, njëherit ndeshja hapëse e këtij edicioni në Kampionatin shqiptar të Futbollit. Në fakt dy skuadrat realizuan nga një gol, por që në fund nuk patën më shumë peshë se nga një pikë. Çela kaloi kurbinasit në epërsi deri sa Sukaj iu përgjigj me një perlë nga distanca. 
Ndeshja nis me shqelmimin e topit nga Ledio Pano, ish-futbollist i famshëm i Partizanit. Por, ata që do ta shtyjnë topin e parë drejt rrjetës janë futbollistët laçianë. Një dalje e studiuar jo mirë nga kapiteni Hoxha përfundon nën këmbët e Çelës që nuk i duhet më shumë se njëherë të godasë topin drej portës për të zhbllokuar ndeshjen. Rezultati do jetë i papranueshëm për Partizanin që i falet supergoditjes së Xhevahir Sukajt që e orienton topin drejt rrjetës nga një distancë e largët. Sukaj, ardhja më me bujë e Partizanit, këtë edicion feston golin me adhurim deri sa bie në “sexhde” për ta falënderuar krijuesin.
Nuk ka më ndryshime deri në fundin e ndeshjes, portat heshtin dhe rezultati mbetet ai i minutë sës 65-të. Partizani dhe Laçi marrin nga një pikë në këtë nisje të kampionatit shqiptar. /tesheshi.com/
