Iberikët janë kualifikuar për në finalen e Kampionatit Europian të Futsallit pasi kanë eliminuar kombëtaren e Kazakistanit në gjysmëfinale.
Ndeshja mes Spanjës dhe Kazakistanit përfundoi 5-3. Përfaqësuesja spanjolle dominoi gjithë ndeshjes, dhe falë efikasitetit të lartë në fazën ofensive mori biletën për në finale.
Rivali i spanjollëve do të jetë Rusia, që do luajë në finalen e këtij aktiviteti për të tretën herë radhazi. Rusët e kanë eliminuar skuadrën e vendit organizator vetëm pas shtesave. 3-2 qe rezultati i gjysmëfinales mes Rusisë dhe Serbisë.
Finalja Spanjë – Rusi do të zhvillohet nesër, në orën 21:00, në “Belgrade Arena”. Më herët do të luhet dhe ndeshja për vend të tretë dhe të katërt midis Serbisë dhe Kazakistanit.
Ky është edicioni i dhjetë i kësaj veprimtarie, i organizuar për herë të parë në Serbi. /tesheshi.com/
