Pasi Festivali Sea Dance refuzoi ultimatumin e Orkestrës Kalush, e cila kërkonte anulimin e performancës së një prej yjeve më të mëdhenj të muzikës elektronike të sotme, Nina Kraviz, e cila është me origjinë nga Rusia, grupi ukrainas nuk do të performojë në festivalin në Budva, njoftuan organizatorët.
Orkestra Kalush përmes Instagramit u bëri thirrje fansave të tyre që të mbështesin atë që ata e quajtën
“pastrimi i skenës”, si dhe i kërkoi Sea Dance Festival të anulojë performancën e Nina Kravizit.
Mirëpo, organizatorët i dërguan një përgjigje menaxhmentit të Orkestrës Kalush në të cilën një kërkesë e tillë u refuzua qartë dhe shprehimisht shprehin qëndrimin se diskriminimi ndaj çdo personi dhe artisti për shkak të kombësisë, racës apo fesë është krejtësisht i papranueshëm.
Festivali Sea Dance dënoi luftën në Ukrainë, në të njëjtën kohë duke theksuar se anulimi i shfaqjeve të interpretuesve vetëm për shkak se ata vijnë nga një vend i caktuar nuk është mënyra për të arritur paqen, por e kundërta – rruga për ndarje të mëtejshme, përshkallëzim i urrejtjes dhe thellimi i konflikteve.
Orkestra Kalush nga Ukraina janë fituesit e Eurovizionit të këtij viti. /tesheshi.com/
