Një kafshim i peshkaqenit i ka shpëtuar jetën. Eugene duhet të falenderojë sulmin e një peshkaqeni, i cili i ka lejuar të zbulojë se vuan nga një tumor në veshka. Sipas raportimit të “WBZ”, Eugene Finney ishte me pushime bashkë me familjen e tij në gjirin e Kalifornisë.
“Diçka më sulmoi në pjesën e pasme ndërsa isha duke notuar. Nuk jam goditur kurrë në mënyrë të tillë në jetën time, por ky peshkaqen ishte një mesazh, një shenjë për mua”,- thotë Eugene, i cili u dërgua me urgjencë në spital.
Gjithsesi, mjekët, ndërsa ishin duke e kuruar për kafshimin e peshkaqenit, bënë një tjetër zbulim. “Pasi u ktheva në shtëpi, nisa të ndjej dhimbje të forta në kraharor, ndaj u ktheva sërish në spital”,- kujton ai.
“Bëhej fjalë për një tumor në veshkën e djathtë dhe ishte i madh sa një kokërr arre”,- shton ai. Eugene u operua. “Nëse nuk do të isha sulmuar nga peshkaqeni, nuk do ta kisha ndjerë dhimbjen e fortë në kraharor dhe me shumë mundësi, ende nuk do të kisha mësuar se isha prekur nga kanceri. Peshkaqeni më ka shpëtuar jetën. Ndihem me të vërtet me fat, pasi është si të kem pasur një mundësi të dytë në jetën time”./tesheshi.com/
