Rusia nuk do ta lejojë kurrë veten të humbasë në asnjë konflikt dhe mund të shtypë butonin, tha presidenti i Çeçenisë, bashkëpunëtor i liderit rus Vladimir Putin.
Për pyetjet: “Po sikur forcat dhe ruse të humbasin luftën kundër Ukrainës?” Çfarë opsioni është në dispozicion në atë rast?“, Presidenti çeçen Ramzan Kadyrov u përgjigj se Rusia është një fuqi e madhe, e cila ka armë bërthamore.
“Rusia nuk do ta lejojë kurrë veten të humbasë në asnjë konflikt dhe mund të shtypë butonin”, tha ai, duke aluduar në mundësinë e përdorimit të armëve bërthamore në një luftë kundër Ukrainës.
“Siç tha presidenti ynë Vladimir Putin, çfarë kuptimi ka bota që të mbijetojë nëse Rusia zhduket? Ne nuk duam që këta djaj të jetojnë në mënyrë që ne të humbasim. Ne do të shkojmë në parajsë, dhe ata në ferr”, tha Kadyrov.
Përdoruesit e rrjeteve sociale reaguan ndryshe ndaj deklaratave të tilla; ndërsa disa shprehën shqetësimin, të tjerë komentuan me sarkazëm fjalët e Kadyrov-it apo edhe uruan një përfundim të tillë.
Abd al-Ilah ka shkruar në postim se bisedat për përdorimin e armëve bërthamore tregojnë fytyrën e shëmtuar të luftës.
“Nëse Rusia humbet, a do të zhduket edhe bota?”
“Kjo është mënyra se si ata kontrollojnë këmbëzën… duke shtypur butonin që mund t’i japë fund botës. Ata flasin kaq thjesht për këtë mundësi. Çfarë lufte e shëmtuar.”
Përdoruesi Reham u tall me fjalimin e Kadyrov-it, duke shkruar: “Paqja qoftë me ty, o Kadyrov. Ata nuk përshëndesin njëri-tjetrin në atë mënyrë. Ne ende duam të jetojmë. Mos luani me nervat tona, sepse lufta nuk është shaka”.
Adnan Badri beson se fjalimi i Kadyrov-it është një përsëritje e asaj që përsëriti Putin.
“Ajo për të cilën po flet Kadyrov, për mundësinë e një sulmi bërthamor, është në fakt një përsëritje e kërcënimeve të Putinit dhe frika e humbjes së afërt. Nuk është një kërcënim real, thjesht po i afrohet humbjes dhe asgjë më shumë.”
Mohammad al-Zoubi pyet veten se si armët bërthamore do të ndikojnë në vendet që nuk morën pjesë në luftë.
“A do të thotë kjo se nëse Rusia humbet, atëherë do të zhduket edhe bota? Po vendet që nuk u përfshinë në luftën që po bëni? Cili është roli i Çeçenisë në këtë luftë?”
Kadyrov mobilizoi rreth 10,000 luftëtarë çeçenë përpara fillimit të sulmit rus në Ukrainë për të pushtuar dhe marrë kontrollin.
Ai publikoi gjithashtu video të luftëtarëve të parë që u vendosën nën komandën ruse në gatishmëri të plotë për luftim.
Kadyrov u mburr për atë që forcat çeçene kishin bërë në Ukrainë, por të njëjtat forca u ekspozuan ndaj zjarrit të artilerisë në tetor, kur 23 nga ushtarët e tyre u vranë dhe 58 u plagosën në rajonin Kherson, në Ukrainën jugore.
Më shumë se 21,000 luftëtarë çeçenë në luftën kundër Ukrainës
Burimet ukrainase deklaruan se pozicionet e kësaj njësie i kanë zbuluar përmes fotove në rrjetet sociale, pas së cilës lokacioni është bombarduar.
Shumë njerëz i quanin “Ushtria TikTok”, sepse ata postonin video të tyre duke xhiruar në këtë platformë.
Dhe Kadyrov ka folur vazhdimisht për sukseset e tij “të pafundme”.
Ai tha se forcat çeçene ishin të koordinuara dhe efikase dhe se ata arritën të zmbrapsin sulmet e armikut dhe të mbrojnë zonat strategjike.
Asnjë komandant çeçen nuk u kap gjatë gjithë kësaj periudhe, tha ai.
Më shumë se 21,000 luftëtarë çeçenë po marrin pjesë në luftën kundër Ukrainës, dhe më shumë se 9,000 të tjerë janë në vijën e frontit, në mesin e tyre luftëtarë të njohur si “kadirovci”.
Por nga ana tjetër, jo pak çeçenë janë angazhuar krah ukrainasve dhe kundër rusëve, ashtu siç Kadyrov ka shumë kundërshtarë dhe në vendin e tij mbi qëndrimet proruse që mban. /tesheshi.com/
