Udhëheqësi çeçen Ramzan Kadyrov ka mohuar pretendimet se presidenti rus Vladimir Putin është gjendje të rëndë shëndetësore, deri në koma.
Kjo gjë i hutoi disa nga ndjekësit e tij në Telegram, sepse lajmi se Putin ishte në koma u publikua nga vetëm disa portale të panjohura. Por Kadyrov vendosi të “merret” me ta dhe të japë garanci për shëndetin e kreut të Kremlinit.
“Këto histori për Putinin në koma janë absurde të plota. Ne folëm kohët e fundit dhe duhet t’ju them se ai më duket mirë. Zëri i tij është normal, por edhe komandues. Ai është gati të përfundojë një operacion special ushtarak pa dëmtuar popullin ukrainas”, tha lideri çeçen Kadyrov, i cili njihet si aleat i Moskës ndryshe nga një pjesë e mirë e këtij vendi që e ka pësuar rëndë nga Rusia vite më parë, siç Ukraina sot.
“Për të gjithë ata që përhapin thashetheme të tilla, kam një këshillë të vogël: mbylleni gojën!”, përfundoi Kadyrov.
E ndërsa ky i fundit është rreshtuar krah Putinit, shumë çeçenë të tjerë po luftojnë krah Ukrainës. /tesheshi.com/
