Edhe pse një pjesë e opinionit dhe e politikës ia adresojnë ndërkombëtarëve përgjiegjësinë e një gjendjeje të rënduar politike dhe sociale në Kosovë, kreu i Kuvendit, Kadri Veseli, nuk ka nguruar t’i komplimentojë ato në një formë mjaft lajkatare. “Falë ndërkombëtarëve, shteti i Kosovës po qëndron në këmbë të veta”, ka thënë Veseli në një takimin ndërkombëtar të lidershipit i cili po mbahet nën patronatin e tij.
“Me këto takime duhet të tregojmë besim në njëri-tjetrin, demokracia na mundëson të tejkalojmë dallimet tona. Por për të arritur këtu, nuk ka qenë e lehtë. Ballkani ishte vatër lufte për një kohë të gjatë”, tha njeriu që sot drejton PDK-në e themeluar nga Thaçi, e po ashtu jetën parlamentare të Kosovës.
Veseli tha ndër të tjera se Kosova është e përkushtuar për paqe dhe se, sipas tij, me ndihmën e miqve mund të bëhet ambasadore të pajtimit. /tesheshi.com/
