Një det i jashtëzakonshëm flamujsh turq e kanë pëmbytur Jenikapënë në Stamboll, ku miliona njerëz nga të katër anë e Turqisë, e nga jashtë saj, nga tërë vendet mike, janë mbledhur në mitingun për demokracinë dhe dëshmorët.
Eshtë një prej mitingjeve më të mëdha në vitet e fundit në Turqi, që i ka bërë bashkë të gjitha shtresat e popullsisë, pa njohur ndasi politike e fetare.
Manifestimi kundër puçit të 15 korrikut ka nisur me pjesëmarrjen e presidentit Erdogan, të kryeministrit
Binali Jëlldërëm, të kryetarit të parlamentit, të shefit të Shtabit të Përgjithshëm, të dy kryetarëve të partive opozitare, etj.
Fillimisht mitingu ka nisur me këndim Kur’ani, për t’u shoqëruar me dua për të rënët në natën e përgjakshme të puçit ushtarak.
Më pas kanë folur dy kryetarët e partive opozitare, të ndjekur nga fjala e shefit të Shtabit të Përgjithshëm të ushtrisë turke.
Në momentet e tanishme ka nisur të flasë kryeministri turk, Binali Jëlldërëm.
Pritet me padurim ta marrë fjalën pak minuta më pas Rexhep Tajjip Erdogani, presidenti i Turqisë. /tesheshi.com/
