Për të gjithë ata që mendojnë se kulmin e budallallëkut njerëzor e mban India me adhurimin e lopës të cilën e konsiderojnë të shenjtë, po u sjellim Nepalin, ku disa fëmijë vërtet kanë fatin të zgjidhen për rolin kryesor të shfaqjes teatrale në shkollë apo të zgjidhen për të luajtur në skuadrën e shkollës; por që disa të tjerë, fatkeqësisht janë zgjedhur që të adhurohen.
Të ashtuquajturat Kumari janë vogëlushe të moshës së parapubertetit të cilat adhurohen sepse mendohen të jenë perëndesha të trupëzuara në virgjëresha. Ato adhurohen nga të gjithë vendasit duke filluar nga qytetarët e thjeshtë e deri tek mbretërit dhe presidentët.
Fëmija duhet të zgjidhet sipas tridhjetë cilësive “hyjnore” dhe më pas duhet të rrijë e mbyllur, përveç në raste festash fetare. Në momentin kur “perëndesha” del nga shtëpia duhet të çohet peshë pasi këmbët e saj nuk duhet të prekin tokën. Asaj i lejohet të flasë vetëm me prindërit e saj dhe në momentin kur kalon në pubertet, zëvendësohet me një tjetër vogëlushe. Dhe marrëzia vazhdon…
