Biankonerët regjistrojnë fitoren e gjashtë më rradhë në kampionatin italian në po aq ndeshje, duke vazhduar kështu ngjitjen në klasifikim dhe tashmë janë në hap me skuadrat kryesuese që dikur dukej një malore e pamundur.
Juventus ka mposhtur Fiorentinën në njërën nga ndeshjet kryesore të javës, (3-1). Mysafirët filluan më mirë ndeshjen, duke realizuar qysh në minutën e tretë, përmes Iliçiç nga pika e bardhë, por në vazhdim të ndeshjes fjalën kryesore e patën nikoqirët. Fillimisht, Cuadrado barazon rezultatin, ndërkohë spektakli do vinte krejt në minutat e fundit të ndeshjes, kur Mandzukic dhe Dybala realizojnë golat e fitores për kampionin në fuqi.
Napoli dhe Roma kanë firmosur paqen San Paolo duke luajtur pa gola, (0-0). Derbi ishte i fjetur, përkundër disa rasteve të mira të napolitanëve për shënim, mirëpo në asnjë moment të lojës nuk ngjallën adrenalinë tek të pranishmit që kishin stërmbushur shkallët e stadiumit si në asnjë ndeshje më parë.
Pas 16 javëve, kampionatin italian e kryeson Inter me 36 pikë, e ndjekur nga Fiorentina dhe Napoli që kanë nga 32 pikë. Juventus renditet në pozitën e katërt me 30 pikë, nderkohë më pas vjen Roma me 29. /tesheshi.com/
