Presidenti i Komisionit Evropian, Jean Claude Juncker i ka dërguar një letër kryeministrit Edi Rama, ku e ka uruar për fitoren në zgjedhjet e 25 qershorit. Në letrën dërguar shefit të qeverisë shqiptare, zyrtari i lartë europian është ndalur edhe tek zbatimi i reformës në drejtësi, që sipas tij duhet të nisë sa më shpejt. Juncker rendit disa nga çështjet që qeveria e re e Ramës duhet t’i këtë prioritet në mandatin e dytë, ku veçohet sidomos droga.
“Shqipëria është një partner i rëndësishëm për BE, dhe komisionin evropian, kërkon që ajo të vazhdojë bashkëpunimin për t’u përgatitur për anëtarësimin në Bashkimin Evropian. Masat konkrete janë të nevojshme për implemtimin e reformës në drejtësi dhe në veçantit për Vettingun e gjykatësve dhe prokuroreve, luftën kundër korrupsionit dhe krimit të organizuar, ku përfshihet edhe lufta kundër lëndëve narkotike”, shprehet Juncker.
Juncker veçon në e mesazhin e tij dhe marrëveshjen me opozitën.
“Zgjedhjet e fundit tregojnë se qytetarët shqiptarë ju kanë dhënë juve një mandat tjetër për të vazhduar reformat për të cilat kishe filluar të punoje në vitet e kaluara. E mirëpres zhvillimin me opozitën, tejkalimin e çështjeve që keni pasur vetëm që të ecni përpara për sfidat që e presin Shqipërinë. Bashkimi Evropian kërkon partneritet dhe dialog brenda partive”, thekson në mesazhin e tij politikani i lartë i Brukselit. /tesheshi.com/
