George Hagi është një emër i njohur në futbollin europian. Ish-mesfushori legjendar i përfaqësueses së Rumanisë, tani po ushtron funksionin e trajnerit tek skuadra vendase Vitorul Constanca. Në duelin e fundit që e zhvilloi skuadra e tij ndaj Astra Giurgiu , Hagi ka ngritur me “dhunë” futbollistin e tij, i cili po simulonte se ishte lënduar.
50-vjeçari i cili pati një karrierë të bujshme në skuadra të njohura si Real Madrid, Barcelona apo Galatasaray është njohur gjithmonë për korrektësinë brenda fushës së lojës, ndaj një veprim josportiv i lojtarit të tij nuk është kapërdirë dot nga Hagi.
Megjithëse ishte duke fituar ndeshjen, Hagi ngriti futbollistin në këmbë duke dashur të mos humbasë kohë. Ky gjest i tij ka bërë bujë në mediat ndërkombëtare, që kanë marrë shembull rumunin se si duhet të jetë një trajner korrekt, ndryshe nga ata që preferojnë zvarritjen e lojës, vetëm e vetëm për të arritur fitoren, edhe duke e shëmtuar ndeshjen.
Ndiqeni videon: https://www.youtube.com/watch?v=s-JtJrkzpb8
/tesheshi.com/
