Avokatët e emigrantëve dhe refugjatëve të mërkurën kanë denoncuar Shtëpinë e Bardhë, e cila ka në plan që përkohësisht të ndalojë pranimin e refugjatëve dhe të pezullojë vizat për njerëzit nga shtatë vende të Lindjes së Mesme dhe Afrikës Veriore, duke thënë se me këtë veprim janë të shënjestruar muslimanët dhe se kjo do të bëjë Amerikën vend më pak të sigurt.
Një projekt-urdhër ekzekutiv, të cilin Trump pritet ta nënshkruajë në ditët e ardhshme do të bllokojë hyrjen e refugjatëve nga Siria e shkatërruar nga lufta, dhe do të pezullojë hyrjen e çdo emigranti nga vendet me shumicë muslimane të Lindjes së Mesme dhe vendet afrikane, si Siria, Sudani, Somalia, Iraku, Irani, Libia dhe Jemeni.
Trump gjithashtu pritet të urdhërojë një ndalim me kohëzgjatje prej më shumë se një muaj mbi lejimin e refugjatëve në Shtetet e Bashkuara, me përjashtim të pakicave fetare të cilët u ikin persekutimeve, derisa të vendoset një verifikim më rigoroz në vend, kanë thënë ndihmësit dhe ekspertët, të cilët kërkuan të mos identifikohen.
Qëllimi i administratës sipas tyre, është që të parandalojë dhunën në Shtetet e Bashkuara, por kritikët thonë se këto masa do të njollosin reputacionin e Amerikës si një vend mikpritës për emigrantët e të gjitha llojeve.
“Presidenti duhet të dijë se ai po hiqet si një budalla me nxitjen e kësilloj armiqësie në ditët e tij të para. Kjo do të provokojë dhunë kundër amerikanëve në mbarë botën”, tha Seth Kaper-Dale, një pastor në Kishën Reformuar të Highland Park, Neë Jersey, e cila, tha se ka ndihmuar në risistemimin e 28 familjeve refugjate dhe azil-kërkuese në vend, vitin e kaluar.
“Ne besojmë se muslimanët, janë objektivi i vetëm i këtyre urdhrave,” tha Nihad Aëad, drejtor ekzekutiv i Këshillit për Marrëdhëniet Amerikano-Islame, një grup musliman për të drejtat civile.
“Këto urdhra janë një konfirmim shqetësues i propozimeve për politika islamofobe të bëra gjatë fushatës zgjedhore presidenciale”, tha Aëad në një konferencë për shtyp në Uashington.
Gjatë fushatës, Trump fillimisht propozoi ndalimin e hyrjes së të gjithë muslimanëve në vend, një masë që me siguri do të përballej me sfida ligjore për diskriminim në bazë të fesë. Ai më vonë ndryshoi qëndrimin e tij, për të shënjestruar vende të njohura që janë burime të terrorizmit, shkruan Reuters.
Rreth 100 protestues u mblodhën në Ëashington Square Park të Nju Jorkut duke kënduar, “Thuaje me zë të lartë, të themi qartë, refugjatët janë këtu për të qëndruar”.
“Ne refuzojmë politikat që ua kthejnë shpinën atyre që kanë vuajtur”, tha para protestuesve Nydia Velazquez, një kongresmene amerikane, përfaësuese demokrate nga Neë York City. /tesheshi.com/
