Qëndrimi pro luftës i Patriarkut të Moskës dhe Gjithë Rusisë Kiril, i cili qëndron në krah të Putinit, duke “bekuar” pushtimin rus të Ukrainës me deklarata dhe fjalime të zjarrta që nuk janë në përputhje me një kishë pro-ortodokse, por i referohen terminologjisë ushtarake, komenton kështu media greke.
Siç dihet, Greqia, si vend i BE dhe i NATO-s, është pozicionuar pa asnjë ekuivok kundër Rusisë dhe pro Ukrainës. Por fërkimet duket se janë të ashpra dhe në domenin e besimit e jo vetëm në atë të politikës.
“Bashkëjetesa” e Primatit të Kishës Ruse me Presidentin Putin, përveç çarjeve në Ortodoksi, bëri që Komisioni Evropian të propozonte sanksione kundër Patriarkut të Moskës, si pjesë e një pakete të gjashtë masash në përgjigje të pushtimit rus të Ukrainë, shkruan Protothema.
Nga ana tjetër, inkurajimi i ushtarëve rusë në luftën kundër Ukrainës nga patriarku 75-vjeçar i Moskës, bashkëpunëtor i ngushtë i presidentit rus Vladimir Putin, bëhet në një mënyrë që inkurajon dhe nuk justifikon gjakderdhjen kundër ukrainasve.
Plani i Patriarkut Kiril për “Romën e Tretë”
“Protagonisti” në një histori luftarake, ku ortodoksët vrasin ortodoksët është Patriarkana e Moskës dhe Patriarku Kirill, i cili u bën thirrje besimtarëve në Rusi të mblidhen në pushtimin e Ukrainës, pasi sulmi ka të bëjë me qytetërimin dekadent dhe imoral perëndimor, vijon Protothema.
Plani final i Patriarkut Kiril ka të bëjë me zgjerimin e Kishës Ruse, në vende që i përkasin juridiksionit intelektual dhe administrativ të patriarkanave të tjera, me qëllimin përfundimtar krijimin e të ashtuquajturës Roma e Tretë dhe përpjekjen për të imponuar Rusinë si protagonist në fushën e kishës ortodokse.
Kisha e Greqisë që nga fillimi i pushtimit të Ukrainës iu referua rolit të Patriarkut të Moskës, duke theksuar se ajo nuk mund të justifikojë luftën, duke dënuar qëndrimin e tij. Siç thanë figura kishtare për protothema.gr duke komentuar qasjen e Moskës, “Kisha e Rusisë dhe shumë nga hierarkët e saj kanë një elitë që të kujton epokën e Carit, shumë larg qasjes së frymës greke që Mitropolitanët dhe Hierarkët vijnë nga populli”. Përveç kësaj, që nga fillimi i marsit, një letër e Kryepeshkopit Jeronim drejtuar Patriarkut të Moskës për luftën në Ukrainë, ka bërë thirrje për një armëpushim në Ukrainë.
Ndërkohë, Vatikani shfaq shqetësim të madh me këtë lloj zhvillimi, ku feja merr rol politik.
“Kemi një kohë të vështirë me Moskën, por marrëdhëniet nuk janë ngrirë”, u tha nga Vatikani, duke komentuar gatishmërinë e Papës për të shkuar në Moskë dhe për t’u takuar personalisht Putinin. “Ne presim që ata të reagojnë dhe të na thonë çfarë duan”, tha kryeministri i Vatikanit, Kardinali Pietro Parolin. “Nuk mendoj se përtej kësaj, Papa mund të ndërmarrë ndonjë iniciativë tjetër”.
Kisha Ortodokse Ruse i ka mohuar akuzat në një deklaratë të lëshuar të premten duke thënë: “Akuza të ngjashme, të pabaza në lidhje me politikën e jashtme të Rusisë janë bërë më shumë se një here”.
Papa Françesku i tha gazetës italiane Corriere Della Sera se Kirill, i cili ka shprehur mbështetjen për luftën në Ukrainë, “nuk mund të bëhet ‘gjyshi’ i presidentit Vladimir Putin”. Kisha Ortodokse Ruse ka thënë se është për të ardhur keq që një muaj e gjysmë pas bisedës së drejtpërdrejtë të Françeskut me Kirilin, Papa mori një ton të tillë. “Papa Françesku ka zgjedhur tonin e gabuar për të përcjellë përmbajtjen e kësaj bisede,” tha Patriarkana e Moskës. /tesheshi.com/
