Pudra e bebeve është një produkt shumë i përdorur nga nënat e reja. Por nëse do i dini të gjitha vetitë e saj, nuk do e hiqni nga përdorimi.
Përveç funksionit bazë që ka për kujdesin e lëkurës së fëmijës, pudra e bebes mund të përdoret për shumë funksione alternative.
Tashmë që po afron stina e nxehtë dhe djersitja është më e madhe, pudra ju vjen në ndihmë. Mjafton të hidhni pak pudër pluhur në këmbë apo këpucë dhe do të parandaloni aromat e rënda.
Gjithashtu hidhni pak pudër bebesh në flokët me yndyrë të përzier edhe me pak sodë buke dhe do masazhoni për pak çaste rrënjën e flokut. Më pas krihini flokët dhe do të shikoni se pamja e tyre do jetë si e freskët.
Vajzat që nuk kanë shumë qerpikë dhe duan volum të tyre, para se të përdorin rimel këshillohet që t’i lyejnë me pak pluhur pudre në fillim dhe do të shohin një efekt të paparë.
Procesi i depilimit është mjaft i dhimbshëm por për të shpëtuar nga tortura, përpara tij lyejeni lëkurën me pudër bebeje dhe filloni procesin. Gjithçka do të bëhet shumë më e thjeshtë.
Nëse keni veshje lëkure të cilat e kanë humbur shkëlqimin mjafton t’i fërkoni me pak pudër për bebe dhe ato do të duken si të reja./tesheshi.com/
