Revista satirike franceze Charlie Hebdo ka tmerruar edhe një herë publikun duke botuar një karikaturë në të cilën Mbretëresha britanike Elizabeth është gjunjëzuar në qafën e Meghan Markle, e cila është një aludim për vdekjen e afro-amerikanit George Floyd, i cili humbi jetën nga një oficer policie në Minneapolis vitin e kaluar.
Karikatura u botua në kopertinën e numrit të kësaj jave, me pyetjen “pse Meghan u largua nga Pallati Buckingham?” dhe përgjigjen e saj: “Sepse nuk mund të merrja frymë më!”.
Përgjigja e saj lidhet drejtpërdrejt me vdekjen tragjike të George Floyd, të cilit një oficer policie u gjunjëzua në qafë për nëntë minuta, pavarësisht se ai nuk mund të merrte frymë.
Vrasja e Floyd çoi në protesta masive, fillimisht në Minneapolis dhe më pas në të gjithë Amerikën dhe botën nën moton “Jetët e zezakëve kanë rëndësi”.
Faqja e parë e “Charlie Hebdo” u dënua dhe u karakterizua nga shumë si “jashtëzakonisht e tmerrshme”, ku revista franceze akuzohet për abuzim me vdekjen e Floyd për të fituar para, sipas Mirror. /tesheshi.com/
