Qëndrimi i PS-së kundër arrestimit të ish-kreut të Rendit dhe deputetit Saimir Tahiri, është parë nga PD si votë kundër reformës në drejtësi. Kështu e ka komentuar kryedemokrati Basha
“Sot njerëz të ndershëm ndihen të revoltuar dhe të fyer me dhunimin që Rama, Ruçi dhe Tahiri i bënë drejtësisë duke mohuar ndalimin e Tahirit dhe duke e shtyrë me plot një javë që nga dita e kërkesës së prokurorisë kontrollin e shtëpive të Tahirit pasi ai i ndihmuar nga klanet mafioze dhe vetë qeveria të ketë pasur kohë për të pastruar dhe krehur një qytet të tërë jo më shtëpinë e tij” , u shpreh Basha.
Por kreu i PD-së u shpreh i bindur se herë a vonë, sipas tij, drejtësia nuk do vonojë.
“Dua t’u them se drejtësia mund të vonojë por nuk do të mungojë. As Saimir Tahiri, as Edi Rama nuk do t’i shpëtojnë drejtësisë.Në luftën tonë për të çmontuar krimin nga politika ne tashmë kemi shumë partnerë dhe miq të cilët janë ata që nxorën zbuluar Saimir Tahirin dhe që së bashku me ne nuk do të ndalemi më këtu”, theksoi Basha. /tesheshi.com/
