Një jetëhumbje e dhembshme ndodhi këtë të shtunë në Superioren shqiptarë, në fushën e Rrogozhinës, ku luhej takimi kryesor i javës mes dy kryesuesve, Egnatias dhe Partizanit.
Futbollisti i ekipit rrogozhinas, supriza e këtij sezoni, ganezi Rafael Dwamena, ndërroi jetë në spital pasi më herët u plandos në fushë krejt papritmaz. Futbollisti afrikan 28-vjeçari ra pa ndjenja në kulmin e lojës, siç thuhet, pasi kishte problem në zemër, gjë që mendohet të jetë dhe shkaku i jetëhumbjes së tij.
Mjekët i dhanë ndihmën e parë në fushën e lojës, duke u dërgua më pas menjëherë me ambulancë në spital.
Raportohet se ai ishte diagnostikuar me probleme në zemër në vitin 2020 dhe mjekët e kishin këshilluar që të mos luante më futboll. Megjithatë, me një çip në trup, sezonin e kaluar ai u bë pjesë e Egnatias, duke qenë dhe një nga sulmuesit më të mirë të kampionatit shqiptar. Ishte njëherësh golëshanuesi më i mirë i ekipit të tij, që dhe për meritë të të cilit Egnatia po bënte histori suksesi. /tesheshi.com/
