Lideri i opozitës në Britani të Madhe, Jeremy Corbyn ka sfiduar kryeministrin e ardhshëm të konservatorëve, duke kërkuar edhe një referendum për të mbajtur Britaninë e Madhe në Bashkimin Evropian.
Megjithatë, partia ka lënë hapur mundësinë e kërkimit për të negociuar një marrëveshje më të mirë nëse fiton zgjedhjet e përgjithshme të parakohshme – dhe duke mbështetur një marrëveshje përmes votimit publik.
Duke njoftuar fundin e konsultimeve lidhur me politikat në vijim, Z. Corbyn i kërkoi Boris Johnson – nëse ai fiton garën e lidershipit të konservatorëve, – që ofroj mundësinë që britanikët të jenë ata që do ta rishikojnë të ardhmen e tyre”.
“Në këto rrethana, unë dua të bëj të qartë se Laburistët do të bëjnë fushatë për të mbetur në BE dhe janë kundër mospasjes së marrëveshjeve, duke qenë se një gjë e tillë rrezikon ekonominë dhe vendet e punës,” tha Corbyn.
Britania ka mbetur në qorrsokak politik për shkak se deputetët e parlamentit nuk kanë arritur një marrëveshje lidhur me “divorcin” nga BE-ja.
Procesi i Brexit nisi me referendumin e qershorit të vitit 2016, në të cilin 51.9 përqind e votuesve dolën pro largimit nga BE-ja.
Procesi pati dy vite negociata të vështira, por pa rezultat. /tesheshi.com/
