Eshtë mbyllur dhe epoka e Bardhok Pllanajt në Shkodër, i quajtur ndryshe si “Kumbari”, një epitet që lidhej me qënien e tij si trafikant droge, një person plot precedentë penalë ndër vite. Mbi trupin e tij janë derdhur me dhjetra plumba, gjatë një atentati në ecje me makinë, duke çuar në fundin e pashmanshëm të jetës. Ngjarja ndodhi në lagjen e njohur Dobraç, një vend në Shkodër që lidhet me shumë ngjarje kriminale.
Afër vendit të ngjarjes është konstatuar një makinë e djegur brenda së cilës janë gjetur dhe dy armë, të cilat dsyhohet se janë të autorit dhe ai i ka përndorur për të kryer krimin.
“Më datë 04.04.2021, rreth orës 21:10, në fshatin Dobraç i Ri, Njësia Administrative Rrethina, Shkodër, duke udhëtuar me automjet është vrarë me armë zjarri shtetasi B. P. rreth 46 vjeç banues në Shkoj i Ri. Shërbimet e Policisē kanë rrethuar zonën dhe kanë ngritur pika kontrolli. Në ndihmë të Policisë lokale kanë shkuar dhe grupe të FNSH Shkodër. Veprimet po kryhen me grup hetimor nën drejtimin e Prokurorisë së Rrethit Gjyqësor Shkodër për zbardhjen e plotë të rrethanave të kësaj ngjarje, identifikimin dhe kapjen e autorëve”, thotë policia në deklaratën e saj zyrtare.
Pllanaj është një emër i njohur për policinë. Shtatë vite më parë, i dyshuar si trafikant narkotikësh, ai arriti t’i shpëtonte policisë dhe u fsheh në automjetin e ish-deputetit Mark Frroku. Ai njihej me nofkën “Kumbari” dhe është dënuar me burgim në mungesë në 2014-ën nga Gjykata e Rrethit Shkodër për tre vepra penale: “Pastrim parash”, “Falsifikim dokumentesh” dhe “Ndërtim pa leje”.
Asokohe Gjykata e Rrethit të Shkodrës vendosi të sekuestrojë një pallat 10-katësh në pronësi të Palanajt, e cila kapte vlerën e 2 milionë eurove.
Gjithashtu Planaj, ishte i skeduar nga policia si një person që merrej me trafikimin e lëndëve narkotike. 46 vjeçari dyshohet si i përfshirë në operacionin e quajtur “laguna e Vilunit të zhvilluar më datë 30 shtator 2014, në vendin e quajtur “Rana e Hedhun” midis Lagunës së Vilunit dhe Shëngjinit, shërbimet e policisë kufitare dhe ato të Guardia di Finanza, panë të hidheshin nga një mjet lundrues, në det çanta të zeza në përmasa të mëdha. Pasi u nxorën nga deti, rezultoi se brenda thasëve kishte drogë me peshë 210 kg. Të nesërmen e asaj date, në vendin e quajtur Grykëderdhja e Bunës në Velipojë, forcat e policisë kufitare gjetën të hedhura në det edhe 15 çanta të tjera me peshë 594 kg. /tesheshi.com/
