Në Gjenevë do të ketë më 16 maj, nën kujdesin e OKB-së, një raund të ri bisedimesh paqeje për konfliktin sirian.
Lajmin e bëri të ditur zyra e ndërmjetësit të OKB-së për Sirinë përmes një njoftimi që vjen pak ditë pas nënshkrimit të një marrëveshjeje në Astana të Kazakistanit mes Rusisë, Iranit dhe Turqisë për zonat ku do të ndalen luftimet midis regjimit sirian dhe kundërshtarëve të tij.
Staffan de Mistura, i dërguari i OKB-së për Sirinë, e që ishte në Astana si vëzhgues, do ta çmonte marrëveshjen si një hap të rëndësishëm në drejtimin drejt ndalimit të luftimeve.
Bisedimet e Gjenevës zhvillohen krahas atyre të Astanasë, por këto negociata nuk kanë dhënë thuajse asnjëherë rezultate të prekshme në dhënien fund konfliktit të përgjakshëm sirian.
De Mistura do të paraqitet gjatë këtij muaji dhe para Këshillit të Sigurimit të OKB-së për ta informuar mbi zhvillimet në bisedime e në terren. /tesheshi.com/
