E njohur si një nacionaliste anti-shqiptare, ish-ministrja e brendshme maqedonase, Gordana Jankullovska nuk ka zhgënjyer në këtë pikë. Edhe ajo ka dhënë mendimin e saj lidhur me dhunën e pashembullt që shpërtheu në Kuvendin maaqedonas, duke ia adresuar fajin LSDM-së dhe partive shqiptare, ndonëse të përgjakurit ishin pikërisht nga këto dy parti, Zoran Zaev dhe Zijadin Sela.
Ndërsa për Jankullovskën, mu këta e provokuan dhunën. Po si? Ja arsyetimi i saj: “Këtë atmosferë, disa dhunues e shfrytëzuan për të krijuar kaos dhe për të sulmuar e lënduar deputetë. Ashpër e dënojë dhunën e tyre, por e dënoj edhe dhunën politike të LSDM-së dhe të partive shqiptare, që thonë se kanë zgjedhur kryetar të Kuvendit në kundërshtim me rregulloren dhe në mënyrë jokushtetuese”, ka shkruar Jankullovska në fb.
Ajo thotë se nuk i di se kush janë dhunuesit që lënduan njerëz në Kuvend dhe nëse opozita i di se kush janë, le t’i thojë me emër e mbiemër dhe të kërkohet përgjegjësi. “Ashtu siç unë kërkoj publikisht përgjegjësi për dhunuesit, pavarësisht se a bëhet fjalë për dhunë fizike apo politike”, shton ajo. /tesheshi.com/
