James Rodriguez mund të bëhet bavarez për sezonin e ardhshëm. Pavarësisht “ëndrës” milaneze për ta patur kolumbianin e “parave” të arabëve të PSG, për t’ia shtuar formacionit bazë, është Bayern Mynih që ka një marrëveshje te avancuar me mesfushorin e avancuar të Realit të Madridit.
Sipas mediave spanjolle, bavarezët kanë preferuar formulën e huazimit, për ta blerë më pas përfundimisht, pas disa vjetësh. Mediat bëjnë të ditur se një nga shkaqet që James ka preferuar të ndryshojë “ajër”, është edhe mardhënia speciale që ka patur me Ancelotin, në kohën kur italiani drejtonte Realin e Madridit.
Pavarësisht se shkëlqeu në Botërorin 2014, James Rodriguez nuk arriti të ngjitet në nivelin e pritshmërive tek Reali I Madridit. Për më tepër, ai “nuk ka ngjitur” as tek trajneri Zdiane. Në 46 ndeshje zyrtare të luajtura në Madrid, kolumbiani shënoi 17 gola dhe shërbeu me 18 asist. /tesheshi.com/
