Ish-kreu i Kuvendit të Kosovës, Jakup Krasniqi i ka quajtur të dështuara dhe në dëm të Kosovës bisedimet e Brukselit mes Prishtinës dhe Beogradit. Sipas atij, përfaqsuesit e Prishtinës në këto bisedime janë ndjerë të shantazhuar, si nga ndërkombëtarët por ndoshta dhe nga Beogradi, dhe për gjithçka kanë firmosur kanë mbrojtur veten por kursesi interesat e vendit.
Krasniqi, tashmë jo aktiv politikën e ditës por shumë i angazhuar në rrjete sociale me oponencë ndaj pushtetit aktual në Kosovë, ka kërkar ndërprerjen e bisedimeve të Brukselit.
“Si përfundim do thosha se gjithë procesi i bisedimeve të Brukselit, mes Kosovës dhe Serbisë, rezulton i papërgatitur, jotransparent, i korruptuar, i komprometuar! Si i tillë, s’ka sesi të mos emërtohet me emrin e vërtetë, thënë pa ekuivok se ka rezultuar të jetë shumë i dëmshëm për Kosovën dhe të ardhmen tonë përgjithësisht. Kulmi i dëmeve që kanë prodhuar këto bisedime janë sot e gjithë ditën: Bashkësia e Komunave serbe (jashtë çdo standardi të BE-së!), marrëveshja për gjyqësorin, “integrimi” i strukturave paralele (rojet e urës), marrëveshja për telefoninë dhe lejimi i murit ndarës (amfiteatrit!)… Këto, së bashku me një mori marrëveshjesh që nuk i cekem, jo vetëm që i bëjnë jofunksionale institucionet e shtetit, por i nënshtrohen diktatit të Beogradit, mbase edhe më shumë se kaq!
Prandaj, ndërprerja e këtyre bisedimeve, kështu siç kanë precipituar, është një hap më se i domosdoshëm”, ka shkruar Jakup Krasniqi në fb. /tesheshi.com/
