Ish-kryeparlamentari, Jakup Krasniqi në një letër publike drejtuar kryetarit aktual Kadri Veselit i ka shkruar se këshilltarët e tij, as opozitës si tërësi dhe as deputetëve individualisht, nuk e kanë asnjë të drejt t’ua interpretojnë Rregulloren e Punës së Kuvendit.
Ja letra e plotë publike e Jakup Krasniqit
I nderuari Kryetar i Kuvendit, z. Veseli,
Ishin zhvillimet e djeshme në Kuvendin e Kosovës ato që më shtynë t’i them disa fjalë, natyrisht, jo në cilësinë e opozitarit por në atë të ish Kryetarit të Kuvendit.
Këtë e bëj për të mbrojtur Kuvendin si institucion dhe Kryetarin.
Për më shumë se shtatë vjet kam qenë Kryetar i Kuvendit, gjatë gjithë atyre viteve këshilltarët e mi në asnjë rast të vetëm nuk janë marrë as me opozitën dhe as me punën apo sjellen e deputetëve. Ata nuk janë këshilltar të Kuvendit si institucion.
Këshilltarët e Kryetarit të Kuvendit janë për të këshilluar Kryetarin dhe ndihmuar në punët dhe përgjegjësitë e tij të përditëshme. Për faktin se vetëm Kryetari e përfaqëson Kuvendin si institucion përfaqësues, ligjvënës dhe mbikëqyrës.
Në emër të administratës së Kuvendit udhëheq Sekretari i Kuvendit dhe përgjigjet për punët e tij, ndërsa për sigurinë përgjigjën të ngarkuarit për atë segment.
Ndërsa ata i kryejnë mirë e më përgjegjësi punën e tyre profesionale. Ketë po e them nga përvoja ime me atë segment.
Këshilltarët e tu, opozitës si tërësi dhe as deputetëve individualisht nuk e kanë asnjë të drejt t’ua interpretojnë Rregulloren e Punës së Kuvendit. Rregulloren e Punës së Kuvendit e Interpreton Kryetari e jo këshilltarët e tij.
Këshilltarët mund të komunikojnë me medie apo edhe të bëjnë ndonjë njoftim për ndonjë punë të Kryetarit apo edhe të Kuvendit me autorizomin e Kryetarit. Por në asnjë mënyrë për çështjen për të cilën folën dje këshilltarët tuaj.
Autoriteti dhe përgjegjësit e kryetarit, sidomos në situata t? ? tilla të nderlikuara nuk mund të barten te këshilltarët!
Shpresoj të më kuptoni drejt!
Sinqerisht, Jakup Krasniqi
Ish-Kryetar i Kuvendit
/tesheshi.com/
