Ish-kryeparlamentari Jakup Krasniqi me një status në FB, ka ironizuar postimin kryeministrin Isa Mustafa, i cili këtë vit e ka quajtur “vit të sfidave.”
Ai në profilin e tij ka thënë se kryeministri paska shkruar në FB se: “Ky vit po kalon si vit i sfidave dhe vendimeve të mëdha. Në të njëjtën kohë, jo rastësisht, para nesh u shtrua nevoja të marrim vendim për Dhomat e Veçanta të Gjykatës Speciale, për Shënjimin e kufirit me Malin e Zi, të dialogojmë dhe të arrijmë marrëveshje për pjesën më të ndjeshme të Marrëveshjes së Parë të parimeve për normalizimin e marrëdhënieve me Serbinë.”
Të gjitha vendimet që ai po i përmend, ngado që t’i marrësh janë të dëmshme për Kosovën dhe nuk ka pasur shans të ndodhte ndryshe. Pasi Kryeministri Mustafa në asnjë kohë të jetës së tij nuk është treguar njeri i sfidave as i vendimeve të mëdha dhe është më shumë se iluzore që të pritesh ndonjë sfidë a vendim për të qenë në ketë moshë, ka deklaruar Krasniqi.
Krasniqi më tej ka shtuar se kryeministri e pat rastin të tregohet, natyrisht në moshë të thyer, të tregoj se dinë e guxon të sfidoi në interes të sovranitetit të vendit. Ai po ashtu ka theksuar se kryeministri Mustafa i pati tri mundësi për të sfiduar e marrë vendime në mbrojtje të sovranitetit të shtetit, në mbrojtje të tërësisë territoriale dhe mos të lejoi sovranitetin e Serbisë në asnjë pjesë të Kosovës. Dhe në të tri këto raste ai dështoi. Rast tjetër për të sfiduar e marrë vendime të rëndësishme për vendin nuk ka.
Mund të presim me muaj e vite, por sfidë të Isës nuk do të ketë, ka shkruar Krasniqi në profilin e tij në FB./tesheshi.com/
