Qeveria gjermane pritet të miratojë 6 miliarde euro shpenzime shtesë në mbështetje të numrit rekord të refugjatëve që kanë vërshuar në këtë vend.
Ka nga ata kritikë të kancelares Merkel që e akuzojnë atë që po krijon një precedent të rrezikshëm duke hapur kufijtë e Gjermanisë. Rreth 1800 emigrantë mbërritën në fundjavë pas një marrëveshje me Austrinë dhe Hungarinë për lehtësimin e rregullave të azilit.
Por, kancelari austriak, Werner Faymann thotë se këto masa emergjence duhet të përfundojnë. Ai tha se do të shkohet drejt normalitetit, pasi bisedoi edhe me kancelaren Merkel dhe kryeministrin hungarez, Viktor Orban në fundjavë.
Hungaria hoqi dorë nga kufizimet që nuk lejonin emigrantët të udhëtonin më tej në Perëndim, por vijon nga ana tjetër, ndërtimin e gardhit mbrojtës përgjatë kufirit me Serbinë. /tesheshi.com/
