Presidentja e Kosovës, Atifete Jahjaga u takua në Zagreb me zv.Presidentin e Shteteve të Bashkuara të Amerikës, Joe Biden dhe kanë folur për situatën më të fundit në vend si pasojë e ngërçit politik, dhe për këtë qëllim pritet të vizitojë Prishtinën edhe Sekretari Amerikan i Shtetit, John Kerry.
Jahjaga dhe Biden diskutuan për zhvillimet në Kosovë dhe rajon dhe përparimin e arritur në aspiratat e integrimit europian dhe euroatlantik.
“Zv.Preidenti amerikan rikonfirmoi mbështetjen e pakursyer të Shteteve të Bashkuara të Amerikës për përparimin e Kosovës”, bën të ditur një komunikatë për shtyp e shpërndarë nga presidenca.
Presidentja ndodhet në Zagreb ku po merr pjesë në Samitin Bërdo-Brioni, me ftesë të Presidentes së Republikës së Kroacisë, Kolinda Grabar-Kitaroviç dhe Presidentit të Republikës së Sllovenisë, Borut Pahor. /tesheshi.com/
