Portali tesheshi.com nga burime të sigurta ka mësuar se para disa ditëve është realizuar një takim mes Këshillit Opozitar të inicuar nga Lëvizja Besa të përfaqësuar nga Rufat Alili dhe Arjanit Hoxha dhe Vebi Bexhetit, Alajdin Demirit dhe Ejup Murtezanit përfaqësuesve të Këshillit për Politika Strategjike në Lëvizjen për Reforma në PDSH.
Burimet për portalin tesheshi.com tregojnë se në këtë takim është biseduar rreth bashkëpunimit opozitar dhe formave tjera të aktiviteteve mes këtyre dy strukturave opozitare.
Takimi ka kaluar në frymën pozitive dhe nga ky takim palët janë dakorduar që edhe të bëhet një komunikatë e përbashkët, por në momentin e fundit pasi përfaqësuesit e LR-PDSH-së kanë kontaktuar me kryetarin e tyre Ziadin Sela, kanë hasur në kundërshtim dhe është anuluar publikimi i këtij takimi në media. /tesheshi.com/
