Polenta është një ushqim italian që daton që daton që prej vitit 1700. Ajo përbëhet nga mielli i misrit të bardhë ose të verdhë dhe ka një ndikim të madh në shëndetin tuaj.
Ajo është pa gluten dhe kjo e bën atë të përsosur për t’u përfshirë në dietën tuaj.
Ky ushqim i shëndetshëm është një instrument i shkëlqyer për të humbur peshë, pasi ajo tretet shumë shpejt. E kombinuar me kos, çdo fëmijë do të gëzohej teksa konsumon Polenta.
Një tjetër arsye për t’u ngrënë, është se ajo parandalon rënien e papritur të imuniteti, veçanërisht tek fëmijët.
Përbërësit:
150 gr miell misri
200 gr miell
300 gr djathë i bardhë
200 ml kos
100 ml vaj
3 vezë
1 lugë çaji kripë
1 pako pluhur pjekës
Përgatitja:
Fillimisht ndizni furrën në temperaturën 200 gradë. Ndërkohë, në një tas shtoni vezët dhe rrihini për disa minuta.
Më pas hidhni në të vajin dhe kosin dhe përziejini mirë (mund t’i vendosni përbërësit edhe në një mikser).
Shtoni miellin në të, miellin e misrit, kripën dhe pluhurin pjekës.
Hidhni gjithashtu edhe djathin e bardhë të copëtuar dhe më pas përziejini mirë të gjithë përbërësit.
Lyeni enën e pjekjes me pak vaj dhe në të hidhni masën e brumit të përgatitur. Vendoseni në furrë të piqet derisa të marrë një ngjyrë kafe.
Largojeni nga furra dhe lëreni të qëndrojë në temperaturën e dhomës për rreth 5 minuta para se ta hani atë./tesheshi.com/
