Shpeshtësia e urinimit është një indikator se sa është i hidratuar organizmi i njeriut.
Dr. Neil Grefstein gjinekolog-obstetër dhe Asistent Profesor në Spitalin “Mount Sinai” jep disa informata të rëndësishme në lidhje me urinimin.
Sa shpesh duhet të urinojmë?
Edhe pse nuk ka ndonjë numër definitiv të urinimeve, njerëzit mesatarisht urinojnë mes 4 – 7 herë brenda ditës.
Edhe nëse urinon më shpesh se 7 herë ditë nuk duhet të shqetësohemi, pasi ka shumë faktorë që ndikojnë në shpeshtësinë e urinimit.
Për shembull, nëse pi shumë ujë, apo kafe, alkool, dhe iritantë tjerë të fshikëzës së urinës, duhet pritur që nevoja për të shkuar më shpesh në tualet do të jetë më e madhe gjatë ditës.
A ekziston ndonjë dukuri që njihet si urinim i shpeshtë?
Po, nëse njeriu urinon mbi 11 herë në ditë, ndërsa ka pirë vetëm 2 litra ujë, kjo dotë thotë që fshikëza është hiperaktive, çka nënkupton se muskujt e saj kontraktohen më shpesh dhe si rezultat njeriu ka nevojë të urinojë më shpesh.
Disa fakte me rëndësi në lidhje me urinimin:
- Mbajtja e urinimit nuk është e dëmshme, për aq kohë sa nuk keni dhimbje të organit urinues.
- Të bërit shprehi e mbajtjes së urinës mund të shtojë rrezikun e infeksioneve të fshikëzës së urinës
- Ngjyra normale e urinës është e verdhë e tejdukshme
- Disa ushqime mund të ndikojnë në ndryshimin e ngjyrës së urinës, psh shpargu është i shëndetshëm nëse e hani, por i jep urinës një erë jo të këndshme
- Urina me erë të ëmbël është shenjë e diabetit
- Urina në fakt është 95% ujë
- Kohëzgjatja e urinimit është afro 7 sekonda
- Me moshë, kohëzgjatja e urinimit shkurtohet, ndërsa shpeshtohet nevoja për urinim. /tesheshi.com/
