Pa marrë parasysh se çfarë jeni duke parë, ekzistojnë gjasa të mëdha se jeni duke sabotuar gjumin tuaj, duke përdorur celularin tuaj disa minuta para se të flini në gjumë.
Disa studime sugjerojnë se shikimi në ngjyrën blu dhe të bardhë të emetuar nga ekranet digjitale, e pengojnë trurin tuaj nga lirimi i hormonit të melatoninës, e cila i bën me dije trupit tuaj kur është koha për të shkuar në shtrat. Prandaj edhe bëhet më e vështirë për të rënë në gjumë dhe për të qëndruar në gjumë.
Në fakt një studim i ri me 850 flamandë të moshës së rritur, të cilët kanë përdorur celularin në momentin kur i kanë fikur dritat, ka gjetur një lidhje me cilësinë e keqe të gjumit, pagjumësinë, ndjenjën e lodhjes (edhe pse nuk dihet në bazë të këtij studimi nëse ndikon telefoni drejtpërdrejt në problemet me gjumë).
“Njerëzit i ekspozojnë sytë e tyre ndaj energjisë së fotoneve nga këto pajisje, të cilat i thonë trurit tuaj: ‘Rri zgjuar! Akoma nuk është koha për të fjetur”, thotë Dr. Dan Siegel, Profesor klinik i psikiatrisë në shkollën e mjekësisë UCLA.
Por ndarja nga celulari është nuk është aq e lehtë: sipas një anketimi, 71% e amerikanëve janë shprehur se normalisht flenë me apo pranë celularit.
Arianna Huffington, bashkë-themeluese dhe redaktore e The Huffington Post, shprehet se mezi ka arritur t’i rezistojë përdorimit të celularit të saj. Siç shkruan në librin e saj “Thrive,” ajo shpjegon se si ia ka ndaluar vetes çfarëdo pajisje elektronike në dhomën e gjumit. Në vend të tyre, ajo tash merr një libër për të lexuar para se të bie të flejë. /tesheshi.com
