Goditja më e rëndë politike që ka marrë LDK-ja që nga themelimi si forcë politike, mbetet humbja e Prishtinës dhe për më tepër marrja e kryeqytetit nga Vetëvendosja. Akoma më e rëndë edhe fakti i humburi i madh qe vetë kreu i LDK-së, Isa Mustafa, që ironikisht më pas u bë kryeministër, falë një mpleksje rrethanash politike e jo për ndonjë meritë të veçantë a program.
Dhe tani para zgjedhjeve lokale, partia e Isës, a më saktë Mustafa vetë, po përpiqet të gjejë emra bindës për t’i futur në përballje më Shpend Ahmetin, i cili sipas treguesve të deritanishëm ka ende kuota të larta përkrahjeje elektorale për të vijuar dhe më një tjetër mandat në krye të kryeqytetit kosovar.
Lumir Abdixhiku, Vjosa Osmani, Arban Abrashi dhe Ismet Beqiri, janë këta emrat-kandidatë për t’i kthyer krenarinë LDK-së, nëpërmjet rimarrjes së Prishtinës. Por rezultatet më të fundit në zgjedhjet e përgjithshme, ku VV doli e para si forcë politike e LDK e treta, e bëjnë të vështirë arritjen e këtij synimi. /tesheshi.com/
