E keni menduar ndonjëherë se cili ka qenë personi i parë që i ka vajtur në mendje dhe ka krijuar një nga pajisjet që përdoret më së shumti në parukeri për femrat, por që së fundmi po bëhet trend edhe për meshkujt?
E kemi fjalë për pjastrën. Ajo është shpikur për herë të parë nga parizieni Marcel Grateau në vitin 1872. Ai përdori shufra të nxehta për të drejtuar flokët. Si pasojë e këtyre shufrave, flokët dëmtoheshin shumë më shumë sesa dëmtohen në ditët e sotme. Kohët e fundit, “Marcel” është një fjalë që përdoret për të përshkruar një teknikë të veçantë stilimi.
Modeli i fundit i pjastrave të flokëve konsiston në dy shufra të cilat lidhen mes tyre. Ky model është shpikur nga Lady Jennifer Bell Schofield në vitin 1912. Sot këto dy shufra hekuri janë zëvendësuar me qeramikë. /tesheshi.com/
